Franca siguroi kualifikimin në Euro 2024 pas fitores minimale ndaj Belgjikës.
Pas ndeshjes trajneri Didier Deschamps lavdëroi skuadrën e tij për lojën që e bën at por ai pati një peng, shkruan Arbresh.info.
“Zhvilluam një ndeshje të nivelit të lartë, në 90-minuta ne krijuam më shumë se Belgjika. Pengu i vetëm është që nuk po konkretizojmë në gol rastet e krijuara, shumë topa përfunduan në tribunë”, tha fillimisht trajneri francez.
Ai më tej tha se niveli i këtij Evropiani është shumë i lartë.
“Por, kualifikimi në çerekfinale është i rëndësishëm për ne, edhe pse tashmë jemi mësuar me të tilla arritje. Mbi Francën ka gjithmonë shumë pritshmëri, por niveli në këtë Evropian është shumë i lartë”, shtoi Deschamps.
Tutje foli edhe për sulmuesit e Francës ku thuri lavde për punën e tyre.
“Kolo Muani edhe në të kaluarën ka bërë gjëra të rëndësishme dhe unë e vlerësoj shumë. Ka shumë kualitet. Thuram mund të bëjë më mirë, te Inter është rritur shumë, por vazhdon të jetë pak i ndrojtur”.
“Është një pikë referimi për ne në majën e sulmit, kuptohet mirë me Mbappe, por sigurisht që mund të përmirësohet edhe më shumë në këtë aspekt”, u shpreh Deschamps.
Franca në çerekfinale do të ketë punë me Portugalinë e Cristiano Ronaldos që triumfoi pas penalltive ndaj Sllovenisë./Arbresh.info/
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...