ShSKUK: Reshjet e dendura e përfshinë edhe QKUK-në, nuk ka konstatim për dëme deri tani

21:47 | 23 Qershor 2024
E.G

Shërbimi Spitalor Klinik Universitar i Kosovës (SHSKUK) bën të ditur se reshjet e dendura të shiut që kanë rënë ditën e sotme kanë përfshirë edhe QKUK-në.

ShSKUK thotë se si pasojë e intensitetit të lartë të tyre, rrjeti i përpunimit të kanalizimit nuk ka arritur të përballojë sasinë e ujit, shkruan Arbresh.info.

“Ekipet teknike të QKUK-së, janë në gjendje gatishmërie, deri më tani uji ka depërtuar në bodrumin e Klinikë së Pulmologjisë, ku fatmirësisht nuk ka pasur aparatura mjekësore”, thuhet në njoftimin e ShSKUK-së.

“Ekipet e QKUK-së, bashkë me ato të klinikave tjera janë në vendngjarje dhe deri më tani nuk është konstatuar nëse ka pasur dëme”, thuhet tutje.

“QKUK, ditëve në vijim do të ju mbajë të informuar saktësisht, lidhur me pasojat e shkaktuara nga reshjet e dendura të shiut”, thuhet në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm