Kina dhe Bashkimi Evropian kanë rënë dakord të fillojnë bisedimet për vendosjen e planifikuar të tarifave për automjetet elektrike të prodhimit kinez (EV) që importohen në tregun evropian, sipas një deklarate të shtunën nga zyrtarë të lartë të të dyja palëve.
Ministri i Ekonomisë i Gjermanisë, Robert Habeck tha se ishte informuar nga komisioneri i BE-së, Valdis Dombrovskis se do të kishte negociata konkrete për tarifat me Kinën, shkruan Reuters.
Konfirmimi erdhi pasi Ministria e Tregtisë e Kinës deklaroi se ministri Wang Wentao dhe Dombrovskis, nënkryetari ekzekutiv i Komisionit Evropian, kishin rënë dakord të fillonin konsultimet mbi hetimin kundër subvencioneve të BE-së për automjetet elektrike kineze.
“Kjo është e re dhe befasuese pasi nuk ka qenë e mundur të hyhet në një plan konkret negociatash në javët e fundit,” theksoi Habeck në Shangai.
“Jemi larg fundit, por të paktën është hapi i parë që nuk ishte i mundur më parë”, shtoi ai.
Ministri gjerman kishte thënë më herët se dera e Bashkimit Evropian ishte e hapur për diskutime në lidhje me tarifat e BE-së për eksportet kineze./abcnews.al
Brenda tetë muajve përfundon tuneli në Kurriz, Rama: Projekt...
Geci: Vëllait i kanë ndodhur disa raste të improvizuara nga ...
Qeshja e Thaçit me dëshmitarin Fadil Geci, Endriti e poston ...
Presidenti Begaj vizitë zyrtare në Bosnje dhe Hercegovinë, p...
Neymar pas rikthimit: Fluturat në stomak para lojës janë gji...
Geci: Komunikata 59 është shkruar nga Thaçi