Dalic: Brozovic është një gjigant i futbollit kroat, nuk varet vetëm nga ai por nga gjithë ekipi

14:45 | 20 Qershor 2024
D.H

Kroacia nuk e ka nisur aspak mirë këtë Kampionat Evropian ku pas dy ndeshjeve ka grumbulluar vetëm një pikë.

Fillimisht u mposht nga Spanja 3-0, teksa ditën e djeshme e humbi fitoren në momentet e fundit kur Shqipëria barazoi rezultatin në 2-2.

Pas këtyre dy ndeshjeve është cak i kritikave ka rënë mesfushori i Al-Nassr, Marcelo Brozovic, për paraqitje të dobëta.

Mirëpo trajneri kroat, Zlatko Dalic i ka dal në mbështetje mesfushorit kroat duke e hedhur fajin tek të gjithë skuadra.

“Marcelo Brozovic është një gjigant i futbollit kroat, që ka dhënë gjithçka dhe maksimumin e tij. Nuk varet vetëm nga ai, por nga gjithë ekipi. Ka shumë gabime para tij dhe ai nuk arrin të shpëtojë gjithçka”, tha Dalic në një konferencë për media.

Kujtojmë se Kroacia ndeshjen vendimtare në këtë Euro e luan të hënën ndaj Italisë me fillim nga ora 21:00./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm