Shala i PDK-së: Nga 14 qershori është ndërprerë puna në minierën e Stantërgut

13:32 | 20 Qershor 2024
E.K

Deputeti i Partisë Demokratike të Kosovës, Ferat Shala ka thënë se nga 14 qershori 2024 është ndërprerë procesi i punës në minierën e Stantërgut.

Shala thotë se është e habitshme se si menaxhmenti i kësaj ndërmarrje dhe qeveria, mundohen ta mbajnë të fshehur këtë çështje.

Postimi i plotë:

Trepça ndërpret punën.

Nga data 14 qershor 2024, në minierën e Stantërgut është ndërprerë procesi i punës.

E habitshme dhe e pashpjegueshme se si Menaxhmenti i kësaj ndërmarrje dhe Qeveria, mundohen ta mbajnë të fshehur çështjen e ndërprerjes së punës. Ky veprim paraqet shkallë të lartë të humbjeve ekonomike për ndërmarrjen Trepça, e njëkohësisht edhe shkallë të lartë të rrezikut për gjendjen e përgjithshme për sigurinë në minierë.

Tashmë po vërtetohet që kjo Qeveri jo vetëm që nuk ka kuadro, por nuk ka plan e as ide për Trepçën dhe industrinë minerare.

Nëse vazhdohet me këtë logjikë të kësaj Qeverie, dëmet strategjike për sektorin dhe Trepçën do të jenë katastrofale!./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm