Përfundon me barazim pjesa e parë e ndeshjes Skoci-Zvicër

21:57 | 19 Qershor 2024
E.G

Futbollisti kosovar në radhët e Kombëtares së Zvicrës, Xherdan Shaqiri ka shënuar supergol në ndeshjen kundër Skocisë.

Shaqiri ka realizuar në minutën e 26-të me një gjuajtje të shkëlqyeshme nga distanca, duke barazuar shifrat në 1:1.

Në fakt, skocezët u ngatërruan në gjysmëfushën e tyre dhe topi përfundoi me një pasim të keq te Xherdan Shaqiri. Dhe në raste të tilla Shaqiri bën atë që mund ta bëjë vetëm ai. E merr topin me një prekje dhe e ngulit atë në këndin e sipërm të majtë me një gjuajtje bombastike.

Ky është goli i 32-të i Shaqirit në fanellën e Zvicrës. Me golin e sotëm kundër Skocisë, ai bëhet lojtari i parë që ka shënuar në tre kampionatet e fundit evropiane dhe në tre botëroret e fundit.

Skocezët kaluan në epërsi në minutën e 13-të me autogolin e Schar./rtk/

Shpërndaje në rrjete sociale

Lajmet më të lexuara

Të ngjashme

Foto lajm