Forumi i parë Ekonomik Kosovë-Portugali, Bogujevci pret në takim homologun portugez

23:38 | 18 Qershor 2024
E.G

Nënkryetaria e Kuvendit të Republikës së Kosovës, Saranda Bogujevci, së bashku me deputetin Erxhan Galushi, i cili e kryeson Grupin e Miqësisë Kosovë-Portugali të Kuvendit të Republikës së Kosovës, mirëpriti sot në Kosovë homologun e saj nga Portugalia, Nënkryetarin e Kuvendit të Portugalisë, Marcos Perestrello.

Sipas njoftimit, Perestrello, së bashku me delegacionin e përbërë nga zyrtarë të lartë, biznesmenë dhe afaristë, do të qëndrojë në Kosovë për disa ditë, për të marrë pjesë në aktivitetet e përbashkëta me Ministrinë e Punëve të Jashtme dhe të Diasporës, të cilat zhvillohen në kuadër të Forumit të parë Ekonomik Kosovë-Portugali.

“Aktivitetet fillojnë nesër dhe janë me interes të ngritjes së bashkëpunimit shtetëror në fushën e ekonomisë.”, thuhet në njoftim.

Bogujevci i ka uruar mirëseardhje Nënkryetarit Perestello dhe delegacionit nga Portugalia, duke u shprehur e lumtur për këtë vizitë domethënëse të Nenkryetarit së bashku me delegacionin e tij./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm