Jude Bellingham i dhuroi Anglisë tri pikët e para në Euro 2024 me golin e realizuar ndaj serbëve, fitore që erdhi me mjaft mund.
Trajneri i “Tre Luanëve”, Gareth Southgate vlerësoi fitoren, ndërkohë që pranoi se dueli nuk ishte aspak i lehtë. Pasi kundërshtarët vetëm mbronin sipas tij.
“Të luash përballë skuadrave që luajnë në mbrojtje është e vështirë, pasi nuk është e lehtë të krijosh raste dhe të gjesh hapësira. Megjithatë, të gjithë lojtarët tanë të sulmit bënë shumë mirë. Jam i bindur që në vijim do të arrijnë të shënojnë”, tha Southgate.
Më tutje ai foli edhe për lojtarin që bëri diferencën në ndeshjen e mbrëmshme.
“Ai është i aftë të bëjë diferencën dhe të krijojë diçka vetë. Mund të them se bëri një ndeshje shumë të mirë dhe ka një nivel tepër të lartë”, shtoi tutje.
“Ndonëse nuk e zotëruam topin aq sa duhej, më pëlqeu fakti që skuadra diti të reagojë dhe në këtë drejtim“, u shpreh timonieri i ishullorëve.
Në anën tjetër, kapiteni Harry Kane u shpreh i lumtur për fitoren, ndonëse nuk arriti që të shënonte. Pasi traversa i mohoi festën personale në pjesën e dytë.
“E dinim se do të ishte një ndeshje e vështirë. Ata krijuan disa mundësi të mira, na vunë në vështirësi. Ne e merituam fitoren. Nuk duhet të harrojmë se në fazën e grupeve është i rëndësishëm vetëm kualifikimi”.
Ndeshja e radhës për Anglinë në Euro 2024 do të jetë përballë Danimarkës me datën 20 qershor.
Si ta shndërrosh ndjeshmërinë emocionale në një superfuqi
Hattricku i Thuramit i dhuron fitoren Interit
Gjukiq: Masat e Serbisë në lidhje me Kosovën, veprime të gab...
Bruksel, Greta Thunberg arrestohet gjatë protestës për klimë...
Daku pas golit të sotëm: Tani koha për dashurinë kuq e zi
Peci – fermerëve: Ishit ndjesia pozitive dhe motivi im për p...