Ushtria ukrainase tha se kishte goditur tre sisteme raketore ruse tokë-ajër në Krimenë e kontrolluar nga Rusia gjatë natës. Ky është sulmi i dytë ndaj sistemeve kundërajrore në gadishull këtë javë.
Sulmet kishin në shënjestër një sistem S-300 dhe dy sisteme më të avancuara S-400 pranë qytetit të Melbek dhe Sevastopol, tha shtabi i përgjithshëm.
Guvernatori i Sevastopol i emëruar nga Rusia tha se mbrojtja ajrore zmbrapsi sulmin me raketa gjatë natës dhe se nuk ishte shkaktuar asnjë dëm.
Në mediat sociale lokale ka raportime për shpërthime në gadishullin e Detit të Zi. Reuters nuk mundi të verifikonte në mënyrë të pavarur raportet. Shtabi i përgjithshëm i Ukrainës raporton gjithashtu se sulmi shkaktoi shpërthimin e municioneve në të tre vendet që u goditën.
Rusia aneksoi me forcë Krimenë nga Ukraina në vitin 2014 dhe tani e konsideron atë një pjesë integrale të territorit të saj. Kievi është zotuar të dëbojë forcat ruse nga Krimea si dhe nga territoret e tjera ukrainase të mbajtura aktualisht nga Moska./abcnews.al
“Unë dhe Meta, çdo gjë e kemi arritur vetë”/ Kryemadhi: Do m...
Brenda tetë muajve përfundon tuneli në Kurriz, Rama: Projekt...
Geci: Vëllait i kanë ndodhur disa raste të improvizuara nga ...
Qeshja e Thaçit me dëshmitarin Fadil Geci, Endriti e poston ...
Presidenti Begaj vizitë zyrtare në Bosnje dhe Hercegovinë, p...
Neymar pas rikthimit: Fluturat në stomak para lojës janë gji...