Organizata Botërore e Shëndetësisë (OBSH) sot u bëri thirrje qeverive të vendosin rregulla më të rrepta për produktet e dëmshme për shëndetin, pasi hulumtimet kanë treguar se rreth 2.7 milionë njerëz në Evropë vdesin çdo vit nga duhani, alkooli, ushqimi i përpunuar dhe lëndët djegëse fosile.
Siç shkruan The Guardian, në raportin e saj, OBSH thekson se industria e duhanit, alkoolit dhe ushqimit të përpunuar kanë një efekt të dëmshëm në shëndet dhe janë të lidhura me vdekjen e parakohshme, për shkak të kushteve potencialisht fatale si kanceri, sëmundjet e zemrës dhe diabeti.
Drejtori rajonal i OBSH-së për Evropën Hans-Henri Kluge tha se taktikat e marketingut të industrive, të cilat minojnë përpjekjet e vendeve për të trajtuar problemet shëndetësore të njerëzve, përfshijnë mashtrimin e konsumatorëve me pretendimet e rreme për përfitimet e produkteve të tyre ose kredencialet e tyre mjedisore.
Një raport i ri tregon se duhani, lëndët djegëse fosile dhe alkooli janë përgjegjës për më shumë se 7,400 vdekje çdo ditë në 53 vende evropiane.
“Pavarësisht rreziqeve shëndetësore, vetëm një pjesë e vogël e vendeve evropiane e kanë ndaluar pirjen e duhanit në vende publike, ndërsa përpjekjet për t’i bërë produktet e dëmshme më pak tërheqëse përmes paketimit të thjeshtë, taksimit të alkoolit dhe etiketimit të ushqimit gjithashtu nuk janë zbatuar në shumicën e vendeve”, thuhet në raportin e OBSH-së.
OBSH vlerëson se duhani shkakton më shumë se një milion vdekje në vit, 10 për qind e të gjitha vdekjeve në Evropë.
Alkooli shkakton më shumë se 400,000 vdekje në vit dhe më shumë se 350,000 njerëz vdesin çdo vit nga konsumimi i tepërt i mishit të përpunuar, pijeve me sheqer dhe ushqimeve të yndyrshme dhe të kripura./euronews
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite