Lecce për herë të parë në historinë e vet, do të ketë tre lojtarë të huaj pjesëmarrës në një Kampionat Evropian.
Marin Pongracic i Kroacisë ishte i sigurt për një vend, po ashtu si Ylber Ramadani me Shqipërinë.
Por emri i tretë në listë ka qenë befasi për shumëkënd, pasi Sylvinho ftoi edhe Medon Berishën ne radhët e kuqezinjve.
Djaloshi i talentuar është afruar si një lojtar me të ardhme të madhe në radhët e kuqezinjve dhe kjo ftesë sidomos mbush me krenari presidentin e klubit italian, Saverio Sticchi Damiani.
“Jemi krenarë për këtë arritje. Jemi të lumtur për cilindo prej lojtarëve tanë të ftuar në kombëtaret”.
“Shumë e bukur historia e Berishës, i cili nga ekipi i të rinjve mbërriti në Euro 2024, ftesa e tij është një shpërblim për punën e bërë nga i gjithë departamenti ynë teknik në çdo komponent, duke parë që ai vjen nga ekipet e të rinjve”, ka thënë presidenti i Lecces, Damiani.
Shqipëria është në grup me Italinë, Spanjën dhe Kroacinë. /Telegrafi/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...