Autoritetet në Gjermani thanë se kanë zbuluar prova se personi që kreu sulmin me thikë, javën e kaluar në qytetin Manhajm, kishte “motive ekstremiste islamike”.
Ministri i Drejtësisë, Marco Buschmann, shkroi në platformën X se “ka indikacione të qarta për një motiv islamik” dhe se prokurorët federalë – përgjegjës për terrorizmin dhe çështjet e sigurisë kombëtare – do t’i marrin përsipër hetimet.
Zyra e prokurorit federal konfirmoi se i ka nisur hetimet.
Hetuesit thanë se sulmuesi i dyshuar, një 25-vjeçar nga Afganistani, i cili ka jetuar në Gjermani që nga viti 2014, ka goditur me thikë disa anëtarë të një grupi që e përshkruan veten si “kundërshtar i islamit politik”.
Pesë anëtarë të grupit “Pax Europa” u plagosën, ashtu si edhe një oficer i policisë, i cili bëri përpjekje ta ndalonte sulmin.
Polici 29-vjeçar vdiq të dielën nga plagët e marra.
Sulmuesi u qëllua dhe u plagos nga policia në vendngjarje./REL/
Mustafa i reagon Kurtit për doracakët, e publikon deklaratën...
Franca ‘gjunjëzon’ Italinë, Belgjika pëson ndaj Izraelit
Sërish protestohet në Novi Sad
Sqarohen Edi dhe Gresa, kush kujt i kërkoi falje?
Rashkaj: UEFA është fajtori kryesor për ofendimet ndaj Kosov...
Opera ‘Goca e Kaçanikut’ do të shfaqet në Tiranë
Skip to content
![Google ADS](https://www.arbresh.info/wp-content/uploads/2024/10/bannerat-bbvk3-web_728-90.jpg")
