Kryetari i Aleancës për Ardhmërinë e Kosovës (AAK), Ramush Haradinaj, ka përkujtuar sot luftëtarët e Dukagjini, Arben e Luan Qerimaj, Fetah Selca, Besim Alijaj, Rexhep Tafa dhe Haki Krasniqi
Me anë të një postimi në Facebook, ai tha se Arben e Luan Qerimaj, u rritën nën frymën patriotike e atdhedashëse, të inspiruar nga familjarët e tyre që ishin gjatë gjithë jetës në luftë me armikun, shkruan Arbresh.info.
“Të gjithë këta bashkëluftëtarë që i kujtuam sot ishin të veçantë, secili në mënyrën e vet. Në përvjetorin e rënies së tyre kujtojmë shpirtin luftarak dhe besnikërinë ndaj shokëve të plagosur. Heroizmi i tyre deri në vetëflijim është dëshmi e nderit të luftëtarit shqiptar.”, ka shkruar ai.
Ai ka thënë se derisa nderojnë dëshmorët e luftës çlirimtare, ne kujtojnë se sa e shtrenjtë është liria që e gëzojmë sot.
“Ishte lufta jonë çlirimtare që na solli Aleancën me NATO-n e udhëhequr nga Amerika. Falë sakrificës së luftëtarëve të UÇK-së dhe brezave që kontribuuan ndër vite për Atdheun sot ne gëzojmë shtetin e pavarur dhe Ushtrinë moderne që kryen misione përkrah shteteve aleate të NATO-s, e misionin tonë në sigurimin e lirisë sonë nuk duhet ta ndalim derisa të bëhemi ofrues të sigurisë, si pjesë e NATO-s”, ka shkruar Haradinaj në Facebook, duke shtuar se lavdia u takon të gjithë atyre që u vunë në mbrojtje të Atdheut.
Enzo Maresca bëhet pishman, kthen në ekip lojtarin që fillim...
Stoltenberg: Vendet të vendosin vetë nëse mund Ukraina t’i p...
Përurimi i Shtëpisë së Kulturës në Suharekë , Osmani: Të rin...
Stavileci: Dogana do të tejkalojë vitin e kaluar për të hyra...
Dhjetë gabime që ndikojnë në gjumin tonë dhe si t’i sh...
Një mbretëri e fshehur virusesh jeton në zorrët tona