Kryeministri i Kosovës, Albin Kurti, ka thënë se për 50 ditë me rradhë, rreth dy mijë e 600 regjistrues në 38 komuna të vendit, kanë mbledhur të dhëna të rëndësishme për politikat dhe strategjitë për dhjetë vitet e ardhshme.
Me anë të një postimi në Facebook, ai tha se procesi është vlerësuar me nota të larta, shkruan Arbresh.info.
“Nga aspekti profesional e teknik, procesi i Regjistrimit të Popullsisë, Ekonomive Familjare dhe Banesave është vlerësuar me nota të larta nga ekipet monitoruese të organizatave ndërkombëtare partnere, UNFPA dhe UNECE”, ka thënë Kurti.
Kurti ka thënë se ndërkohë vlerësimet fillestare, sipas tij, tregojnë që përqindja e pjesëmarrjes së popullsisë dhe gjithëpërfshirja, është ndër më të lartat edhe në nivel ndërkombëtar.
Ndër të tjera, ai është shprehur se shteti ynë ka kaluar “një test të rëndësishëm”.
“Shteti i Kosovës dhe qytetari i Republikës e kanë kaluar një test të rëndësishëm në organizimin dhe pjesëmarrjen në një ndër ndërmarrjet më të mëdha institucionale, që u përmbyll sot”, u shpreh Kurti./Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...