30 ditë paraburgim ndaj të dyshuarit për plagosjen e trefisht në Pejë

08:24 | 25 Maj 2024
K.B

Gjykata Themelore e Pejës i ka caktuar masën e paraburgimit ndaj Agron Gashit, i cili dyshohet për tentim vrasje e cila ndodhi në mbrëmjen e së mërkurës, ku mbetën të plagosur tre persona.

Ndaj tij gjykata ka caktuar masën e paraburgimit në kohëzgjatje prej një muaji. Ndërsa për të dyshuarën për dhënie të ndihmës pas kryerjes së veprës penale, L.G., është caktuar arrest shtëpiak po ashtu prej një muaji.

Lajmin e ka bërë të ditur gjyqtari i procedurës paraprake, Shaqë Curri.

21-vjeçari Agron Gashi është arrestuar të enjten nën dyshimet për vrasje të rëndë të mbetur në tentativë./ Betimi për Drejtësi

Shpërndaje në rrjete sociale

Lajmet më të lexuara

Të ngjashme

Foto lajm