Google ADS

Osmani kujton masakrën e Dubravës: Drejtësi për viktimat dhe kujtim i përhershëm për to

10:10 | 22 Maj 2024
K.B

Presidentja e vendit, Vjosa Osmani ka kujtuar masakrën e Dubravës në 25 vjetorin e saj.

Osmani tha se kjo masakër shpërfaqi sikur edhe në shumë masakra të tjera gjithandej Kosovës.

“25-vjet më parë, prej 19-24 maj 1999, pushteti gjenocidal i Serbisë i vrau brenda burgut të Dubravës 120 të burgosur shqiptarë të luftës dhe të burgosur politik dhe i plagosi 300 të tjerë. Kjo masakër shpërfaqi sikur edhe në shumë masakra të tjera gjithandej Kosovës, egërsinë e pushtetit kriminal kundrejt të burgosurve shqiptarë të luftës dhe të burgosurve politik , të cilët padrejtësisht mbaheshin në burg”, njofton presidenca e Kosovës duke cituar presidenten Osmani.

Osmani tha se sot bashkëndjejmë me të gjitha familjet që humbën anëtarët e tyre në këtë masakër, ndërkaq të mbijetuarit i inkurajojmë për ta mbrojtur të vërtetën dhe të luftojnë për drejtësi.

“Drejtësi për viktimat dhe kujtim i përhershëm për to!”, thuhet tutje në njoftimin nga Presidenca./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm