Takimi i fundit i vizitës zyrtare në Budapest i zëvendëskryeministrit, Besnik Bislimi, u zhvillua me Ministrin për Çështje të Bashkimit Evropian të Hungarisë, Janos Boka.
“Bislimi pati mundësinë të njihej së afërmi përmes këtij takimi me prioritetet e Presidencës së ardhshme të Hungarisë në Këshillin e Bashkimit Evropian, e cila starton nga data 1 korrik. Ndër prioritetet kryesore është dhe zgjerimi i BE-së me fokus në rajonin e Ballkanit Perëndimor, të cilën zëvendëskryeministri e përshëndeti dhe vlerësoi lartësisht”, thuhet në komunikatën për media nga ZKM, përcjell Arbresh.info
Në dritën e integrimit të rajonit në BE, ai foli për situatën aktuale të Kosovës në këtë rrugëtim, ku shprehu mbështetjen e lartë qytetare në vend për aderim në unionin evropian, nënvizoi aplikimin tonë për anëtarësim në dhjetorin e vitit 2022 dhe nevojën për trajtimin e këtij aplikimi me qëllim arritjen e hapava konkret tutje përmes marrjes së pyetësorit e më pas statusit të vendit kandidat, por edhe theksoi përkushtimin në zbatimin e agjendës së reformave evropiane dhe punën e cila po zhvillohet aktualisht në kuadër të Planit të Rritjes.
I pranishëm në këtë takim ishte dhe zëvendësministri i Punëve të Brendshme, Bardhyl Dobra, i cili trajtoi reformën në administratën publike si pjesë e proceseve me vëmendje të veçantë në arritjen e standardeve dhe zbatimit të praktikave efektive evropiane.
Duke i uruar suksese shtetit të Hungarisë në presidencën e tyre të ardhshme në Këshillin e BE-së, zëvendëskryeministri Bislimi shprehu gatishmërinë e plotë për bashkëpunim të ngushtë e produktiv./Arbresh.info
Një tjetër i famshëm pranon se kishte shkuar në festat e P.D...
Kurti: 25 vjet pas ndërhyrjes së NATO-s, hapësira ajrore e S...
Damiree Burns MVP i javës së pestë në elitën e basketbollit ...
Shahini dhe Malaj diskutojnë për rritjen e bashkëpunimit mes...
Rama në Berlin, nënshkruan deklaratat për tregun e përbashkë...
Elezi: Vazhdon aplikimi për regjistrim të votuesve jashtë Ko...