Kryetari i Aleancës për Ardhmërinë e Kosovës (AAK), Ramush Haradinaj ka kujtuar Masakrën në Qyshk në Zahaq, Pavlan e Llabjan.

Haradinaj tha se është njëra prej ngjarjeve me dhimbje më të mëdha që kemi përjetuar si popull.

“Masakra në Qyshk, Zahaq, Pavlan e Llabjan, është njëra prej ngjarjeve dhe dhimbjeve më të mëdha që kemi përjetuar si popull. 102 shqiptarë të paarmatosur, do të ekzekutoheshin barbarisht, nga njësitet e kombinuara ushtarake dhe policore serbe, si hakmarrje për humbjet e tyre gjithandej në frontet e luftës”, ka shkruar ai, shkruan Arbresh.info

Haradinaj tha se sot në këtë 25-vjtor kanë kujtuar e nderuar edhe eprorët e luftëtarët e kësaj ane, të rënë në beteja të ndryshme të Ushtrisë Çlirimtare të Kosovës në Dukagjin: Skender Çeku nga Qyshku; Jahë Kabashi, Blerim e Bekim Kelmendi, dhe Rifat Veseli nga Llabjani.

Kreu i AAK-së shprehet tutje se ngjarje të dhimbshme, sikur masakra që përkujtuam sot, dëshmojnë për rrugën e vështirë deri në liri, njëkohësisht për dhimbjen e madhe që kaluam si popull.

“Krimet e Serbisë nuk mund të harrohen e as të falen. Drejtësia duhet të vendoset sa më parë. I përjetshëm kujtimi për të rënët”, ka përfunduar Haradinaj.

Sot mbushen 25 vjet nga Masakra e Qyshkut, në të cilën forcat pushtuese kriminale serbe kishin vrarë dhe masakruar barbarisht 44 qytetarë.

Masakra e 14 majit 1999 ishte vetëm njëra nga të shumtat që kanë ndodhur gjatë luftës në Kosovë.

Fshati ishte rrafshuar me tokë, ndërsa nga aty ishin dëbuar më shumë se 400 civilë./Arbresh.info/

LEXO EDHE:

25 vjet nga masakra në Qyshk të Pejës