Ministri i Ministrisë për Administrimin e Pushtetit Lokal, Elbert Krasniqi, ka thënë se nga anëtarësimi i Kosovës në Këshillin e Evropës përfitojnë veçanërisht komunitetet joshumicë.
Krasniqi ka thënë kushtëzimi i anëtarësimit të Kosovës në këtë organizatë nga lidershipi aktual i Evropës me Asociacionin e Komunave me Shumicë Serbe është sinjal shumë i keq për komunitetet joshumicë në Kosovë.
“Së pari, Asociacioni nuk është kërkesë e serbëve të Kosovës. Me Kushtetutë, serbët e Kosovës e kanë të drejtën dhe lirinë e asociimit si çdo komunitet tjetër. Së dyti, me këtë kushtëzim, krerët e disa prej shteteve evropiane fatkeqësisht po tregojnë se nuk u intereson edhe aq fuqizimi i komuniteteve tjera joshumicë në Kosovë, si rom, ashkali, egjptian, turk, goran e të tjerë, të cilët më së shumti do të përfitonin nga mekanizmat e Këshillit të Evropës. Së treti, prioritizimi dhe insistimi në mekanizma e entitete një etnike rrezikon që në Kosovë të krijohet një superkomunitet joshumicë, duke e shthurrur kështu harmoninë kushtetuese që ekziston ndërmjet komuniteteve joshumicë”, ka shkruar ministri.
Ai është shprehur se si qytetar i kësaj republike e së dyti si egjiptian në Kosovë, kjo e shqetëson jashtëzakonisht./Arbresh.info/
“Inteligjenca Artificiale, fati apo fundi i njerëzimit”...
Kurti kërkon që Kosovës t’i jepet statuti i kandidatit për B...
E ardhmja te City në dyshim, Haaland tanimë ka vendosur ku d...
Scholz në samitin e Berlinit: Duhet dinamikë e re në normali...
Vetëvendosje nuk merr pjesë në seancën e jashtëzakonshme për...
Arrestohen dy persona për veprën penale “Vrasje nё Tentativё...