Zyrtarët e mbështetur nga Rusia në rajonin e uzurpuar lindor të Ukrainës, Luhansk, thonë se tre njerëz u vranë dhe shtatë të tjerë u plagosën si pasojë e një sulmi nga forcat ukrainase në një depo nafte në qytezën Rovenki mbrëmjen e 10 majit.
REL nuk ka mundur t’i vërtetojë në mënyrë të pavarur raportimet ruse, në të cilat citohen liderja separatiste rajonale, Natalia Pashchenko, dhe guvernatori i emëruar nga Moska, Leonid Pasechnik.
Ky ishte sulmi i dytë i raportuar në një depo nafte në Luhansk në tre ditët e fundit, për të cilat Pasechnik ka thënë se janë kryer me raketa me rreze të gjata veprimi, të njohura si ATACMS, me të cilat SHBA-ja e ka furnizuar Ukrainën, por ai ka dështuar të japë dëshmi për këtë.
Nga sulmi i mëparshëm në qytetin e Luhanskut u plagosën pesë persona.
Ndërkohë, guvernatori i rajonit jugperëndimor të Rusisë, Belgorod, Vyacheslav Gladkov tha më 11 maj se disa fshatra janë sulmuar nga forcat ukrainase, ku u dëmtuan dhjetëra shtëpi dhe u plagosën tetë njerëz.
Gladkov tha se pesë prej të plagosurve u dërguan në spital. Pesë fshatra mbetën pa rrymë.
Ministria e Mbrojtjes e Rusisë tha se nëntë dronë dhe 21 raketa u rrëzuan mbi Belgorod dhe se shtatë dronë të tjerë u interceptuan mbi rajonet Kursk dhe Volgograd.
Oriola Marashi, e ‘zjarrtë’ në të kuqe
I shënoi dy gola Strasbourg-ut, Zhegrova në formacionin e ja...
Zelenskyy në SHBA për të prezantuar planin e ri të paqes
Takimi mes Ramës dhe Erdogan: Të forcojmë lidhjet dypalëshe
Haxhiu takon shefin e Zyrës së BE-së në Kosovë, flasin për r...
Haradinaj: FSK-në për dy vjet e lëshuan mbi 11 për qind e us...