Presidentja e Kosovës, Vjosa Osmani është takuar me ish-presidentin e Shteteve të Bashkuara të Amerikës, George W. Bush.
Me anë të një postimi në Facebook, Osmani e quajti presidentin Bush avokues të vendosur për pavarësinë e Kosovës duke shtuar se ai vazhdon të mbetet mik dhe mbështetës i popullit të Kosovës, shkruan Arbresh.info.
Osmani madje kujtoi frazën paralajmëruese të ish-presidentit në Tiranë në vitin 2007 “Mjaft është mjaft. Kosova është e pavarur”.
“Mjaft është mjaft. Kosova është e pavarur”, është fraza paralajmëruese për pavarësinë e Kosovës, e Presidentit George W. Bush në Tiranë më 2007, e cila do të mbetet e gdhendur në analet e historisë si një afirmim i vendosur i të drejtës së Kosovës për të qenë e pavarur dhe sovrane.”, ka shkruar Osmani.
“Kënaqësi që takova lajmëtarin e pavarësisë së Kosovës, Presidentin Bush, i cili ishte një avokues i vendosur për pavarësinë e Kosovës dhe vazhdon të mbetet një mik dhe mbështetës i popullit të Kosovës.”, shtoi presidentja Osmani./Arbresh.info/
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent
Shkolla greke përjashton 10-vjeçaren shqiptare – shkak numri...
ADN-ja e ruajtur në një kristal mund të rikthejë njerëzimin ...
Uzuni realizon gol ndaj Malagas