Google ADS

Nga ‘lloçi i Kosovës’ , futbollistët shqiptar po shkëlqejnë në kampionatin kroat

12:07 | 6 Maj 2024
D.H

Arbër Hoxha ka qenë fantastik në fitoren e Dinamo Zagrebit në udhëtim te Rijeka me rezultat 1-2.

Edhe pse u inkuadrua vetëm në fund të ndeshjes, Hoxha ishte vendimtar për t’i dhënë tre pikët Dinamos dhe për ta ruajtur pozitën e parë në tabelë.

Sulmuesi shqiptar u inkuadrua në lojë në minutën e 87-të, derisa tre minuta më vonë realizoi golin e fitores 1-2.

Falë këtij goli, Hoxha ka zënë vend në formacionin e javës së 33-të në Superligën e Kroacisë nga SofaScore.

Përveç Hoxhës, në formacionin e javës në elitën e futbollit kroat ka zënë vend edhe mbrojtësi kosovar Bujar Pllana që ishte fantastik në fitoren e Slaven Belupos 4-1 ndaj Goricës.

Ndërkohë në mesfushë vend në formacionin e javës ka zënë edhe mesfushori tjetër shqiptar Enis Çokaj.  

Shpërndaje në rrjete sociale

Lajmet më të lexuara

Të ngjashme

Foto lajm