FFK dënon të parin e Ulpianës, Jeton Gashin me përjashtim nga futbolli

17:12 | 30 Prill 2024
D.H

Presidenti i Ulpianës, Jeton Gashi, është dënuar nga FFK-ja me “Përjashtim nga organizata e futbollit”.

Sipas Komisionit Disiplinor, për arsye të kurdisjeve të ndeshjeve dhe akuzave drejtuar ndaj organeve të FFK-së, si dhe shpifje dhe mashtrim të opinionit.

Në arsyetimin e Komisionit thuhet se Gashi është i dyshuar për përfshirje edhe në raste tjera të Ulpianës me klube tjera, që lidhen me marrëveshje për kurdisje të rezultateve.

“Jeton Gashi ka qenë i përfshirë në veprimtari të tilla edhe më parë, dëshmohet edhe nga ish-nënkryetari i Ulpiana 1926,  z. Lirion Kozhani në një intervistë televizive të dhënë më datën 21.04.2024, ku ai deklaroi se ‘z. Jeton Gashi ka tentuar të kurdisë ndeshjen Ulpiana – Ferizaj për një shumë prej 15 mijë eurove, por ai dhe lojtarët tjerë nuk kanë pranuar të marrin pjesë në këto veprime. Ndeshja u humb në mënyrë tjetër në tavolinë me rezultat zyrtar 3:0 në favor të Ferizajt”. shkruhet në njoftim të FFK-së.

Shpërndaje në rrjete sociale

Lajmet më të lexuara

Të ngjashme

Foto lajm