Osmani kujton heroin Ilaz Kodra në 25- vjetorin e rënies

12:44 | 30 Prill 2024
K.B

Presidentja e vendit, Vjosa Osmani ka kujtuar heroin Ilaz Kodra në 25- vjetorin e rënies heroike.

Osmani tha se Ilazi mbetet shembull i luftëtarit me kauzë.

“Sot në 25- vjetorin e rënies heroike, kujtojmë me respekt heroin Ilaz Kodra, një ndër luftëtarët e radhëve të para të UÇK-së, krahas kryekomandantit Adem Jashari. Ilazi mbetet shembull i luftëtarit me kauzë, i cili fatin e popullit të tij e vendosi mbi fatin personal, ndaj është heroi ynë”, tha Osmani.

Ajo tha se ai do të mbetet udhërrëfyes për brezat.

“Ai do të mbetet udhërrëfyes për brezat dhe sikurse atëherë që ishte gardian i popullsisë civile nga regjimi gjenocidal i Serbisë, sot është gardian i lirisë dhe shtetit tonë bashkë me heronjtë e tjerë të UÇK-së”, tha presidentja./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm