Organizata për Rritjen e Cilësisë në Arsim (ORCA) po organizon një aksion protestues kundër Këshillit të Etikës.
Kjo vjen si pasojë e një kundërpërgjigje kundrejt vendimit te Këshillit të Etikes, sa i përket pezullimit të Profesorit Xhevat Krasniqi.
Ky i fundit është akuzuar për ngacmim seksual nga 27 studentë. ORCA ka paraqitur një lavatriçe, e cila sipas tyre është e ndryshkur, e lodhur dhe e zbrazët, sikur puna e tyre.
“Kështu sikur kjo lavatriçe e ndryshkur, e lodht, e thyme, e zbrazët, që nuk mundet me i kry më funksionet e veta, qe nuk lan por fëlliqe, njëjtë, edhe Këshilli i Etikes për vite me radhë provoi me i shpërla plagjiatorët, ngacmuesit dhe shkelësit e tjere te Kodit Etik dhe integritetit akademik ne Universitetin e Prishtinës.”, tha Koordinatori i ORCA-s, Dibran Hoxha.
Tutje, Hoxha e ka fajësuar dhe qeverinë, duke thënë se ata janë fajtorë që nuk po lejojnë universiteti të përparojë. “Prandaj edhe Qeveria duhet qartë dhe pa metafora të përcaktohet nëse është në krah të grave dhe vajzave duke marrë veprime konkrete për të mos lejuar Universitetin të shkoje në një drejtim të errët e të mos derdhë lot krokodili në rrjete sociale sa herë që gratë vriten mizorisht”, tha ai.
Tutje, ai përmend dhe anëtarët e Këshillit të Etikës, duke thënë se ata janë arsyeja e rikthimit të protestave.
“Duam ta sigurojmë Qerim Qerimin, Altin Sahitin, Iset Morinën, dhe Qeverinë e Kosoves, se ashtu si vlente në Qeveritë e kaluara, Universiteti i Prishtinës, është vija jonëe kuqe për të cilën do t’i rikthejmë protestat, bllokimin dhe grevat dhe çdo mjet tjetër për të mos e lejuar shkatërrimin e tij”, tha ai./Arbresh.info/
Bombardimet izraelite vrasin dhjetëra njerëz në Bejrut dhe n...
Krasniqi në 25 vjetorin e themelimit: PDK është histori e ja...
Pesë shenja që tregojnë se nuk po i lani flokët mjaftueshëm
Frutat që përmbajnë më shumë dhe më pak sheqer
Përgjimet Kusari Lila- Radojiçiq, Tahiri: Nesër në ora 12:00...
KFOR-i mban ceremoninë e inaugurimit të `Mburojës së Re`