Google ADS

Hap fals i Dritës për titull, barazon ndaj Dukagjinit

17:10 | 28 Prill 2024
D.H

Drita ka lëshuar dy pikë në udhëtim te Dukagjini në kuadër të javës së 31-të në Albi Mall Superligën e Kosovës, pasi nuk arriti të mbante epërsinë, duke barazuar 1-1 në sekondat e fundit.

Pas vetëm nëntë minutash lojë, gjilanasit krijuan rastin e parë me anë ë Blend Baftiut, por Kenan Haxhihamza ishte në vend.

Në minutën e 31-të, Baftiu i Dritës harkoi në zonë, ndërsa Vitor Hugo realizoi auto-gol.

Pjesa e dytë pati një tempo edhe më të lartë, por Dukagjini bëri një befasi në sekondat e fundit.

Derisa Drita mendoi se kishte fituar tri pikë, Dukagjhini realizoi për 1-1 në minutën e 90+10-të, për ta fituar kështu një pikë.

Pas javës së 31-të, Drita gjendet në vendin e tretë me 59 pikë, ndërsa kanë katër më pak se lideri Ballkani. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm