Policia federale ka arrestuar një çift të moshuar të mërkurën në aeroportin e Dortmundit. Çifti nga Kosova zbarkoi në aeroportin e Dortmundit me mbesën e tyre, por udhëtimi i tyre nuk vazhdoi tutje, të moshuarit u arrestuan.
Në gusht të vitit 2009, Gjykata Rajonale e Stuttgartit kishte dënuar çiftin kosovar me nga gjashtë vjet e gjashtë muaj burgim për pengmarrje.
Zyra e Prokurorit Publik të Stuttgartit ka lëshuar një urdhër për arrestimin e 60-vjeçarit dhe gruas së tij 63-vjeçe, raporton T-Online.
“Pasditen e së mërkurës, çifti, që po shoqëroheshin nga mbesa e tyre tetë vjeçare, tentuan të kalonin përmes zyrtarëve doganorë pas fluturimit të tyre nga Prishtina. Skanimi i gjurmëve të gishtërinjve konfirmoi identitetin e çiftit”, thanë nga policia federale.
Meqë të moshuarit kishin vuajtur vetëm një pjesë të dënimit të tyre me burg, tani ata duhet të vuajnë edhe pjesën e mbetur të dënimit me burg.
Sipas policisë, të moshuarit telefonuan djalin e tyre në Recklinghausen, ai e mori mbesën në kujdestari pas konsultimeve me zyrën për mirëqenie të të rinjve. Policët më pas e dërguan çiftin në një qendër korrektuese./rtk/
Ushqimet e pasura me vitaminat e rinisë
Çka thuhet në dosjen e Prokurorisë për zëvendës-sekretarin e...
Bie fuqia e uraganit Milton në stuhi të kategorisë tre – flo...
“Zemra më thotë të luaj për Gjermaninë” – Brajan Gruda i mby...
Një portokall në ditë – Shtatë përfitime për organizmin
Vizita e Erdoganit në Tiranë, Kuvendi i Shqipërisë anuloi se...