Ministri i Punëve të Brendshme, Xhelal Sveçla ka mirëpritur sot në Ministrinë e Punëve të Brendshme, delegacionin nga Republika e Çekisë, e prirë nga Tomáš Czernin.
Ministri Sveçla ka falënderuar Çekinë për ndihmën e vazhdueshme ndaj Kosovës.
Gjatë këtij takimi, Sveçla ka prezantuar angazhimet tre vjeçare të Qeverisë sonë veçanërisht në fushën e sigurisë publike, luftën ndaj krimit të organizuar, korrupsionit, kontrabandës, trafiqeve të ndryshme dhe terrorizmit.
Postimi i plotë:
Kisha kënaqësinë të mirëpres sot në Ministrinë e Punëve të Brendshme delegacionin nga Republika e Çekisë, i prirë nga z. Tomáš Czernin, Nënkryetar i Senatit të Parlamentit dhe z. Pavel Fischer, Kryetar i Komisionit për Punë të Jashtme, Siguri dhe Mbrojtje.
Në fjalën time falënderova Republikën e Çekisë për mbështetjen e vazhdueshme për Republikën e Kosovës. Prezantova angazhimet tre vjeçare të Qeverisë sonë veçanërisht në fushën e sigurisë publike, luftën ndaj krimit të organizuar, korrupsionit, kontrabandës, trafiqeve të ndryshme dhe terrorizmit. Diskutuam për situatën aktuale të sigurisë dhe për sfidat e vazhdueshme të shkaktuara nga Serbia e cila vazhdon të ketë aspirata territoriale ndaj vendit tonë. E falënderova delegacionin çek për reagimin publik në dënimin e sulmit terrorist të 24 shtatorit dhe zbardhjen e të gjitha rrethanave të këtij sulmi.
Fischer në emër të delegacionit të Republikës së Çekisë falënderoi për mikpritjen dhe përgëzoi për angazhimin e vazhdueshëm që pavarësisht sfidave të njëpasnjëshme kemi arritur të kemi suksese në prioritetet tona.
Të dyja palët shprehëm gatishmërinë e plotë për thellim të bashkëpunimit në fushën e sigurisë./Arbresh.info/
Gazetari Vehbi Kajtazi kërcënohet me jetë
Studentë shqiptarë në Amerikë mbështesin në Shkodër fëmijët ...
Hamza: Programi s’duhet të jetë për kabinetin e ministrave e...
Analistët: Shqipëria përparim drejt BE-së, por të luftojë ko...
Ish-kancelarja e Gjermanisë në nëntor prezanton librin me ku...
SHBA shqyrton mundësinë e ndarjes së kompanisë Google