Në bashkëpunim me ekipin mobil trajnues nga Karabinierët Italian, Policia Ushtarake e Forcës së Sigurisë së Kosovës (FSK) gjatë kësaj javë ka realizuar “Trajnimin për Kontrollimin e Turmave”.

Sipas njoftimit, pjesëtarët janë trajnuar në aspektin teorik dhe praktik në kontrollimin e turmave si dhe organizmin dhe formacionet e operimit në ambiente dhe situata të ndryshme, shkruan Arbresh.info.

“Gjithashtu pjesëtarët u sfiduan edhe në aspektet e përdorimit të pajisjeve taktike dhe përvetësimin e taktikave të reja nga instruktorët e Karabinierëve Italian me qëllim të ngritjes së gatishmërisë operacionale, ndërveprueshmërisë me partnerët dhe përfitimit të shkathtësive të reja konform standardeve evropiane.”, thuhet në njoftim.

“Bashkëpunimi dhe shkëmbimi i përvojave me ekipe mobile italiane kontribuon në ngritjen profesionale të Policisë Ushtarake të FSK-së, duke bërë që detyrat dhe misioni që ka Policia Ushtarake të realizohet në mënyrë sa më efikase.”, thuhet ndër të tjera në njoftim./Arbresh.info/