Akil Gjakova dërgohet në mbajtje, Federata e Xhudos “beson në pafajësinë e tij” përkundër fakteve ndaj tij

10:16 | 17 Prill 2024
KRG

Xhudisti Akil Gjakova tanimë është dorëzuar tek policia e Kosovës, ku edhe është dërguar në mbajtje.

Gjakova dyshohet sek a kryer veprën penale “Dhunë në Familje”, ndërsa policia e Kosovës kishte kërkuar edhe ndihmën e qytetarëve për gjetjen e lokacionit të 28-vjeçarit.

Lajmin e dërgimit të Akilit në mbajte për 48 orë, e ka konfirmuar për Arbresh.info Shkodran Nikçi, zëdhënës i Prokurorisë Themelore në Pejë.

Nikçi tha se Gjakova u ndalua mbrëmë në kufi dhe më pas është marrë nga zyrtarët policorë të Stacionit Policor në Pejë, ndërsa pas intervistimit, me urdhër të prokurorit të shtetit, është dërguar në mbajtje për 48 orë.

Reagim të çuditshëm për këtë rast, ka bërë edhe Federata e Xhudos së Kosovës, të cilët  kanë thënë se besojnë në pafajësinë e Akilit.

“REAGIM ZYRTAR

Federata e Xhudos e Kosovës dënon fuqishëm çdo formë dhune dhe jemi thellësisht të shqetësuar për ngjarjet e fundit në vendin tonë.

Ne e kemi për prioritet të mbrojmë dhe të promovojmë barazinë gjinore, e cila është e vërtetuar me arritjet kulminante dhe përkrahjen e shkëlqyeshme të sportisteve tona.

Ne besojmë në pafajësinë e Akilit dhe urojmë që organet e rendit të drejtësisë sa më parë të zbardhin rastin. Andaj ftojmë mediat të tregojnë maturi në trajtimin e këtij rasti dhe të ndalojnë njollosjen dhe gjykimin publik të një nga figurave që vazhdon të promovoj imazhin pozitiv të vendit tonë.

Akili momentalisht ndodhet jashtë territorit të Kosovës, dhe do të dorëzohet menjëherë tek organet e rendit dhe të drejtësisë në momentin që do të arrijë në Kosovë.

Ju falënderojmë për mirëkuptimin tuaj”, thuhet në reagim./Arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm