Kryetari i Aleancës për Ardhmërinë e Kosovës (AAK), Ramush Haradinaj ka kujtuar 25 vjetorin e masakrës në Poklek të Drenicës dhe Çikatovë të Vjetër.
Me anë të një postimi në Facebook, ka thënë se në këtë ditë , kujtojmë jetët e pafajshme të humbura e të rrëmbyera nga ata që tentuan të zhbijnë qenien dhe ekzistencën popullit shqiptar, shkruan Arbresh.info.
“Me dhembje në zemër, duke e ditur se drejtësia ende nuk është vendosur, 25 vjet pas Masakrës në Poklek të Drenicës, kur gjurmët e gjakut në bodrumin e Fadil Muqollit ende janë të freskëta, kujtojmë jetët e pafajshme të humbura e të rrëmbyera nga ata që tentuan të zhbijnë qenien dhe ekzistencën popullit shqiptar.”, ka shkruar ai.
“Më 17 prill 1999, forcat serbe vranë dhe masakruan mbi 54 anëtarë të familjes Muqolli dhe Elshani, shumica prej tyre gra, pleq dhe fëmijë, duke filluar prej foshnjave 6 muajshe e deri te pleqtë 75 vjeçar. Në të njëjtën ditë, u vranë edhe 24 shqiptarë civilë në fshatin Çikatovë e Vjetër.”, ka shtuar Haradinaj.
“Duke kërkuar drejtësi për të rënët, qoftë i përjetshëm kujtimi për ta!”, përfundoi kreu i AAK-së./Arbresh.info/
Dëmet e luftës në regjistrimin e popullsisë pa shumë vlerë d...
Policia kryen bastisje në Pallatin e Rinisë
Kurti dhe Murati thërrasin konferencë për media
Erion Veliaj iu uron suksese studentëve dhe pedagogeve në vi...
Gjendet i vdekur një burrë në vendin e tij të punës në Gjako...
Persona të panjohur hyjnë me forcë në një banesë në Prishtin...