Çeku: Punimet në një nga kullat e familjes Hajdini në Gjilan janë drejt përfundimit

21:38 | 8 Prill 2024
E.G

Ministri i Kulturës, Rinisë dhe Sportit, Hajrulla Çeku ka bërë të ditur se një nga kullat e familjes Hajdini në Gjilan po restaurohet.

Me anë të një postimi në Facebook, ai tha se punimet janë drejt përfundimit, shkruan Arbresh.info.

“Në këtë peizazh të mrekullueshëm natyror, në lagjen e quajtur Terziaj në Gjilan, gjenden shtëpitë tradicionale të familjes Hajdini. Punimet janë drejt përfundimit në njërën nga tri kullat që do të restaurohen. Në kullën e Xhelë Hajdinit, e ndërtuar në vitin 1947.”, ka shkruar ai.

“Përveç ruajtjes së dëshmive të së kaluarës, këto ndërhyrje janë një investim për promovimin turistik të zonës. Trashëgimia kulturore vazhdon të jetë prioritet qeveritar.”, shkroi mes të tjerash ministri Çeku./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm