Qeveria spanjolle njoftoi të hënën se do të anulojë planin për të ashtuquajturat “vizat e arta” që u lejon të pasurve nga vendet jashtë Bashkimit Evropian të marrin leje qëndrimi në Spanjë përmes investimit të mbi gjysmë milionë dollarëve në pasuri të patundshme.
Kryeministri socialist i Spanjës, Pedro Sanchez tha se qeveria e tij, e përbërë nga parti që kanë bashkuar votat për të formuar koalicionin, do ta shqyrtonte reformën të martën në takimin javor të kabinetit.
Përmes një deklarate të hënën, kryeministri Sanchez tha se reforma është pjesë e planit të tij për ta bërë çështjen e banimit “të drejtë (të njeriut), jo një biznes spekulativ.”
Qeveria thotë se janë dhënë rreth 10,000 viza të tilla që nga miratimi i ligjit në janë vitin 2013 nga qeveria e kaluar e krahut të djathtë e udhëhequr nga Partia Popullore, si mjet për të joshur investitorët e huaj.
“Vizat e arta” janë kritikuar ashpër për nxitjen e rritjes së çmimit të pronave dhe spekulimit në sektorin e pasurive të patundshme. Çmimet e larta të shtëpive janë bërë problem i madh i shumë spanjollëve, sidomos në qytetet kryesore të vendit./VOA
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...