Njësia Antidrogë e Policisë së Kosovës, ka sekuestruar një sasi të konsiderueshme të narkotikëve që dyshohet se do të destinoheshin për në tregun e Bashkimit Evropian.
Gjatë një konference për shtyp të mbajtur të dielën, u bë e ditur se nga vetura e të dyshuarit me inicialet A.L., me shtetësi shqiptare dhe kroate, janë sekuestruar 20 pako të narkotikëve të tipit heroinë.
“Operacioni ka çuar në arrestimin e A.L., lindur në vitin 1959, i cili tashmë është në pranga dhe po intervistohet në prani të avokatit të tij,” tha rreshteri Reshat Murseli.
Murseli bëri të ditur se përveç drogës, nga vetura e të dyshuarit janë gjetur edhe 2.500 euro në cash dhe dy telefona celularë, të cilët po ashtu janë sekuestruar për hetime të mëtejshme.
“E gjitha sasia e drogës, e cila peshon rreth 20 kilogramë dhe 60 gramë, ka një vlerë të konsiderueshme në treg; fillimisht vlerësohet të jetë diku në mes të 20 dhe 25 mijë eurove, por vlera totale në tregun e gjërë mund të arrijë deri në 200 mijë euro.”, tha ai. /Arbresh.info/
FSK merr mbështetje në rrugën drejt anëtarësimit në NATO
Kai Havertz ka ‘rilindur’ tek Arsenali
Bislimi: Këtë vit jemi në 100 shtetet e para për GDP për kok...
Haradinaj: Me qasjen vet-izoluese të Qeverisë, Kosova është ...
Maqedonci: Lidhja e Serbisë me agresorin rus, rrezik i përhe...
SBASHK-u kërkon zgjidhje për pagat e mësimdhënësve në Viti, ...