Një 33-vjeçar nga Kruja është arrestuar pasi dyshohet se vuri lëndë eksplozive në ambientet e jashtme të mobilierisë së një 48-vjeçari, në fshatin Rrashbull të Shqipërisë.
Policia e Shtetit njofton se nga hetimet dyshohet se ky shtetas, i dënuar më parë për krime në fushën e narkotikëve, është autor dhe i 2 shpërthimeve të tjera në këtë biznes, të kryera më datat 18.11.2023 dhe 07.03.2024.
Nga shpërthimet ka patur vetëm dëme të pjesshme materiale.
“Sekuestrohen 2 automjete dhe 2 celularë të 33-vjeçarit, si dhe maska dhe veshje të dyshuara të përdorura gjatë krimeve. Si rezultat i veprimeve të thelluara hetimore të kryera në drejtimin e Prokurorisë së Durrësit, për të zbardhur 3 shpërthime të lëndëve eksplozive, të kryera gjatë 2 viteve të fundit, në biznesin (mobilieri) e shtetasit A. A., 48 vjeç, në fshatin Rrashbull, strukturat hetimore të Komisariatit të Policisë Durrës mundësuan identifikimin, lokalizimin, kapjen dhe arrestimin e autorit të dyshuar të këtyre rasteve, shtetasit A. Q., 33 vjeç, banues në fshatin Borizanë”, thuhet në njoftim.
Gjykata e Lartë refuzon të shqyrtojë ankesën e Martin Shkrel...
P Diddy nuk ka trajtim të veçantë në paraburgim: Nuk ka as r...
Dialogu, Abdixhiku: Jo në tryeza të parëndësishme, në muajt ...
Përgatituni për një muaj pasionant, shenjat e Horoskopit që ...
Ambasadorja e Izraelit: Hamasi dhe Hezbollahu po i përdorin ...