Google ADS

Gjyqtareve nga Kosova i besohet ndarja e drejtësisë në ndeshjen kualifikuese për Euro 2025

13:35 | 4 Prill 2024
KRG

UEFA i ka besuar gjykimin e ndeshjes Greqi – Ishujt Faroe, gjyqtares kryesore nga Kosova, Rita Vehapi dhe asistenteve Lumturije Muhadri e Rinesa Kryeziu. Gjyqtare e katërt do të jetë Festina Koxha.

Katërshja e gjyqtareve nga Kosova do të drejtojnë ndeshjen kualifikuese për Evropianin e vajzave në Ligën C, Grupi C3, ndërmjet Greqisë dhe Ishujve Faroe.

Kjo ndeshje që do të gjykohet nga Vehapi, Muhadri, Kryeziu dhe Koxha do të zhvillohet nesër (e premte), më 5 prill në Greqi, nga ora 19:00.

Kjo është herë e treta që gjyqtaret nga Kosova ndajnë drejtësinë në një ndeshje të këtij niveli i futbollit të vajzave.

Sipas FFK-së, suksesi i tyre është një dëshmi e fokusit të vazhdueshëm në zhvillimin e futbollit të femrave në vendin tonë, duke ndihmuar në afirmimin e vlerave të sportit dhe përkushtimit. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm