Google ADS

Sunak thirrje Izraelit të hetojë vdekjen e punonjëse të ndihmës në Gaza

14:31 | 2 Prill 2024
K.B

Kryeministri britanik Rishi Sunak i bëri sot thirrje Izraelit që të hetojë urgjentisht vdekjen e punonjësve të ndihmës, përfshirë britanikët, në Gaza.

Qytetarë nga Australia, Britania dhe Polonia ishin në mesin e shtatë personave që punonin për Ëorld Central Kitchen që humbën jetën në një sulm ajror izraelit në qendër të Gazës ditën e djeshme.

“Ne po i kërkojmë Izraelit që të hetojë urgjentisht atë që ndodhi, sepse qartazi ka pyetje që duhet të marrin përgjigje,” tha Sunak.

Ai theksoi se anëtarët e organizatave humanitare po bëjnë një punë të shkëlqyer për të lehtësuar vuajtjet e banorëve në Gaza.

“Ata duhet të lejohen ta bëjnë këtë punë pa pengesa. Dhe është detyra e Izraelit të sigurojë që ata mund ta bëjnë këtë”, shtoi ai.

Sekretari i Jashtëm britanik, David Cameron, tha më herët se Britania i kishte kërkuar Izraelit që të niste hetimet menjëherë dhe të jepte një shpjegim të plotë dhe të qartë të asaj që ndodhi./abcnews.al

LEXO EDHE:

Vullnetar britanik numërohen në mesin e shtatë punonjësve të ndihmës të vrarë në Gaza

Shpërndaje në rrjete sociale

Lajmet më të lexuara

Të ngjashme

Foto lajm