Google ADS

Britania dërgon sërish ndihma në Gaza

09:37 | 30 Mars 2024
K.B

Më shumë se 10 tonë ndihma humanitare, e cila përfshin oriz, miell, vaj, ushqim për fëmijë, ushqim të konservuar dhe ujë, iu dërgua banorëve të Gazës nga Forcat Ajrore Mbretërore Britanike.

Një avion RAF A400M u ngrit nga Amani për të hedhur furnizime përgjatë vijës bregdetare të enklavës së shkatërruar nga lufta, si pjesë e misionit ndërkombëtar të ndihmës, i cili udhëhiqet nga Jordania.

Sekretari i Mbrojtjes Grant Shapps tha nga ana e tij se “Mbretëria e Bashkuar po bën gjithçka që mundet për të dërguar sa më shumë ushqime në Gaza”.

Kujtojmë se Britania ka hedhur edhe 10 tonë ushqime këtë të hënë. Mes paralajmërimeve për urinë në Rripin e Gazës të shkatërruar nga lufta, avioni pasoi dërgesat e fundit tokësore të 2,000 tonëve ndihma ushqimore britanike për të ushqyer më shumë se 275,000 njerëz në territorin palestinez./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm