Kryeministri i Kosovës, Albin Kurti bashkë me Rifat Jasharin ka bërë nderime në kujtim të të vrarëve në masakrën në Izbicë të Skenderajt.
Me anë të një postimi në Facebook, Kurti u shpreh se në këtë 25 vjetor janë përkujtuar 147 shqiptarët civilë të pambrojtur e të pafajshëm, që u vranë nga forcat e armatosura të Serbisë.
Prej tyre, siç tha ai, gjashtë janë ende të zhdukur.
“Në përpjekje të fshehjes së krimit, vrasja e tyre u pasua me rrëmbim kufomash, me zhvarrosje dhe dërgim në varreza masive në Serbi. Nevojitet e vërteta që të mund të mbyllen varret. Është e domosdoshme drejtësia që të mund të na mbyllen plagët.”, ka shkruar ai.
Tutje ai tha se Prokuroria e Shtetit e ka mbështetjen e plotë të Qeverisë që kriminelët e luftës të ,arrin dënimin e merituar.
“Prokuroria e Shtetit e ka mbështetjen e plotë, të parezervë e të pa kursim të Qeverisë së Republikës, që kriminelët e luftës të marrin denimin e merituar për vrasjet e shqiptarëve gjatë luftës 1998-99. Siҫ thuhet edhe në pllakën përkujtimore në Izbicë, liria e Kosovës qëndron në gjakun e tyre.”, ka shkruar Kurti.
“Qoftë i përjetshëm kujtimi për ta!”, përfundoi ai./Arbresh.info/
Murati: Ekonomia vazhdon rritjen me 4.27%
Ronaldo shënon gol dhe i dhuron epërsinë Al-Nassr
Empoli fiton ndaj Cagliarit, Ismajli sërish i jashtëzakonshë...
Kryhen matjet zyrtare: Joshua me një avantazh të lehtë përba...
KE-ja s’ua jep hisen e miliardave Kosovës e Serbisë pa zbati...
Aksident i dyfishtë në Tiranë, disa të lënduar