Çifti princëror u largua nga Londra me helikopter, pak orë pasi Kate Middleton njoftoi me anë të videos se është me kancer  dhe po i nënshtrohet kimioterapisë.

Trashëgimtari i fronit mbretëror William dhe gruaja e tij u larguan nga kryeqyteti britanik për në shtëpinë e tyre në Norfolk, siç komentohet nga Bild, Daily Express dhe revista Le Point. Festat e Pashkëve do t’i kalojnë atje me tre fëmijët e tyre. Familja mbretërore u largua nga Cottage Adelaide në Kështjellën Windsor për në Anmer Hall në Norfolk, rezidenca e tyre në vend, komenton revista franceze.

Që nga e shtuna e kaluar, komenton gazeta britanike Daily Express, familja është aty, me gjasë edhe prindërit e Kate Middleton të cilët qëndrojnë si shkëmb pranë vajzës së tyre që po lufton kancerin.

E gjithë familja pritet t’i kalojë festat e Pashkëve në Sandringham Estate, pasi nuk do të marrin pjesë në shërbesën e këtij viti. William, Kate dhe tre fëmijët e tyre zgjodhën të festonin festat e Pashkëve në një rreth të mbyllur me rastin e gjendjes shëndetësore të Princeshës së Uellsit. Kate Middleton vazhdon të shërohet dhe po i nënshtrohet kimioterapisë. Përveç relaksit, ajo dëshiron edhe kohë cilësore me të dashurit e saj, siç raporton revista franceze Le Point.

Në Norfolk ajo do të jetë në gjendje të shijojë shëtitjet në plazh me qentë e familjes, të pushojë në fshat dhe të shijojë flladin e detit, duke pastruar mendjen nga problemi shëndetësor që e mundon. Rezidenca Anmer Hall e shekullit të 18-të, ku ajo do të kalojë pushimet e saj të Pashkëve, ndodhet në Sandringham Estate dhe vlen rreth 1.5 milionë dollarë./abcnews.al