Julian Nagelsmann mori drejtimin e kombëtares gjermane në një moment të vështirë. Gjithsesi, puna e trajnerit 36-vjeçar po fillon të japë efektet e pritura dhe një sinjal pozitiv u dha përballë Francës.
Kundërshtar të cilin Gjermania e mposhti 0-2 në miqësoren e luajtur në Lyon të shtunën në mbrëmje.
Nagelsmann ka kontratë me katër herë kampionët e botës deri në përfundimin e Euro 2024.
Por, aventura e tij në pankinën e Kombëtares mund të zgjasë edhe më shumë, dëshirë që e shprehu vetë trajneri në deklaratën pas fitores me “Gjelat” e Deschamps.
“Jam i lumtur që Federata është e kënaqur me punën time. Mund të vazhdoj me Gjermaninë edhe pas Europianit, por gjithçka varet nga oferta. Dhe nuk e kam fare për aspektin financiar”, theksoi Nagelsmann.
Die Mannschaft bën pjesë në grupin A të Europianit që do të zhvillohet në shtëpi. Grup ku bëjnë pjesë edhe Skocia, Hungaria dhe Zvicra.
Kombëtarja e Gjermanisë rikthehet në fushë të martën në një tjetër miqësore përballë Holandës në Frankfurt./ss
Trepça fiton derbin lokal, Prishtina e Re ‘shkatërron’ Vjosë...
Izraeli nis hetimet pasi ushtarët e tij u filmuan duke hedhu...
Maqedonci krenar dhe i emocionuar me betimin e 20 kadetëve t...
Prishtina merr fitore të madhe ndaj Dukagjinit
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...