Klubi basketbollistik Trepça ka shijuar fitoren e 20-të radhazi, duke mposhtur këtë herë Bashkimin me rezultat 92:78 (37:23, 9:25, 23:13, 23:17).
Mitrovicasit janë duke vazhduar ta dominojnë ligën në basketboll, ku nuk dinë çka është humbja që nga muaji nëntor i vitit 2023.
Edhe në këtë sfidë, Trepça ishte e jashtëzakonshme me Bashkimin që kallëzoi lojë më të mirë vetëm në çerekun e dytë.
Trepça e nisi për mrekulli duke e mbyllur me 14 pikë epërsi çerekun e parë (37:23). Pas kësaj mysafirët u këndellen duke e fituar çerekun e dytë me rezultat 9:25 dhe ngushtuar rezultatin e përgjithshëm në 48:46.
Mirëpo, vendasit nuk lejuan assesi gabime. Pas një pushimi të shkurtër rikthyen dominimin në çerekun e tretë me rezultat 23:13 dhe pastaj e vulosën bindshëm fitoren në çerekun e fundit me rezultat 23:17, apo përfundimtari 92:78.
Kjo ishte fitorja e 20-të rresht e Trepçës, ku si zakonisht më i dalluari ishte Drilon Hajrizi me 27 pikë, shtatë topa të kthyer e dy asistime, kurse të Bashkimi u dallua Umipig me 22 sosh./rtk
Ministri i Jashtëm i Sllovakisë: S’e njohim Kosovën, është s...
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...