Kushdo që mendon se Rusia do të ndalet në Donbas dhe Krime e ka gabim, ka thënë presidenti francez, Emmanuel Macron.
I pyetur në lidhje me komentet e Kremlinit për Rusinë që e konsideron veten në luftë për shkak të ndërhyrjes së Perëndimit në anën e Ukrainës, udhëheqësi francez u tha sot zyrtarëve në samitin e Bashkimit Evropian në Bruksel se do të ishte gabim të mendohej se Rusia planifikoi të ndalonte agresionin e saj në Donbas dhe Krime.
“Duke përdorur këtë term, njeriu gjithashtu hap pasiguri rreth objektivave ushtarake të Rusisë”, shtoi ai, raporton skynews.
Këto komente të reja erdhën pasi lideri francez tha se Evropa duhet të përgatitet për luftë nëse dëshiron paqe, duke e quajtur Rusinë e Vladimir Putinit një kundërshtar që nuk do të ndalet në Ukrainë nëse mposht trupat e Kievit.
Macron shkaktoi polemika muajin e kaluar pasi tha se nuk mund të përjashtonte vendosjen e trupave tokësore në Ukrainë në të ardhmen, me shumë liderë që distancoheshin nga kjo, ndërsa të tjerët, veçanërisht në Evropën Lindore, shprehën mbështetje.
Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale.
Një mbretëri e fshehur virusesh jeton në zorrët tona
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...