Komandanti i misionit KFOR, udhëhequr nga NATO, gjeneralmajor Özkan Ulutaş, ka takuar sot ambasadorë të vendeve të Quint-it.
Përmes një njoftimi në Facebook, bëhet e ditur se takimi ofroi një mundësi për të ndarë pikëpamjet mbi trendet e sigurisë në Kosovë dhe në mbarë rajonin, përcjell Arbresh.info.
“Gjeneralmajor Özkan Ulutaş, zhvilloi takim me ambasadorin e Shteteve të Bashkuara të Amerikës në Kosovë, Jeffrey Hovenier, ambasadorin e Mbretërisë së Bashkuar në Kosovë, Jonathan Hargreaves, ambasadori i Jashtëzakonshëm dhe Fuqiplotë i Republikës së Francës në Kosovë, Olivier Guérot, ambasadori i Republikës Federale të Gjermanisë në Kosovë, Jörn Rohde, ambasadori i Republikës së Turqisë në Kosovë, Sabri Tunç Angılı , zëvendës ambasadori Italian në Kosovë, z. Ugo Ferrero, dhe shefja e Seksionit Politik të Zyrës së Përfaqësuesit Special të BE-së, znj. Tuuli Parnsalu, në Shtabin e KFOR-it, në Camp Film City, në Prishtinë”, thuhet në njoftim.
“Takimi ofroi një mundësi për të ndarë pikëpamjet mbi trendet e sigurisë në Kosovë dhe në mbarë rajonin, mbi përkushtimin e palëkundur të Komunitetit Ndërkombëtar për stabilitetin rajonal dhe për përpjekjet e përditshme të KFOR-it për të zbatuar mandatin e tij në OKB dhe për të mbështetur dialogun e ndërmjetësuar nga BE-ja ndërmjet Beogradit dhe Prishtinës”, thuhet tutje në njoftimin e KFOR-it./Arbresh.info
Duda Balje thotë se mbrëmë u rrah një 20-vjeçar nga një roje...
Sulmet ajrore amerikane në Siri vrasin 37 militantë të lidhu...
Osmani takoi Kardinalin e Vatikanit, theksoi rëndësinë e njo...
Të paktën 64 vetë humbin jetën, miliona pa energji elektrike...
Rumania përballet me rrezikun e përmbytjeve
Murati: Depozitat e ekonomive familjare janë shtuar për 1.51...