Silva për rikthimin tek Benfica: E sigurt është se do të rikthehem, nuk e di kur

16:05 | 19 Mars 2024
D.H

Bernardo Silva vazhdon formën e mirë tek Manchester City edhe këtë sezon.

Futbollisti portugez ka qenë vendimtar në ndeshjen e fundit të Cityt ndaj Newcastle në Fa Cup, ku citiziens u kualifikuan në gjysmëfinale të FA Cup.

Silva realizoi dy golat e Cityt në atë ndeshje, shkruan Arbresh.info.

Pas grumbullimit me kombëtaren Silva në një intervistë foli rreth të ardhmes së tij dhe rikthimit tek Benfica.

“Sa larg jam nga kthimi te Benfica? Unë mendoj se njerëzit janë pak të lodhur nga kjo pyetje. Ka kaluar shumë kohë. E sigurt është se do të rikthehem, nuk e di kur, është e vështirë ta caktosh kohën dhe të them nëse është pas dy vitesh, pas tre vitesh, apo nëse do të jetë vitin e ardhshëm”, tha Silva.

“Por e kam thënë disa herë dhe mendoj se njerëzit lodhen duke e dëgjuar; pa dyshim që për mua është një qëllim karriere rikthimi te Benfica”, u shpreh Silva.

Bernardo Silva këtë sezon ka nëntë gola dhe pesë asistime në 34 ndeshje këtë sezon./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm