Vdes ish-shefi i sigurimit të Thaçit, Xhavit Ferizi – Raketa

09:50 | 19 Mars 2024
L G

Ish-shefi i sigurimit të ish-presidentit të Kosovës, Hashim Thaçi, Xhavit Ferizi i njohur ndryshe si “Raketa”, ka ndërruar jetë.

Lajmin për vdekjen e tij e kanë bërë të ditur familjarët, përmes rrjetit social në Facebook.

“Me pikëllim të thellë e zemër të thyer, të dashur familjar, miq e dashamirë, ju njoftojmë se sot në mëngjes me datën 19 mars 2024 ka ndërruar jetë Xhavit Ferizi – Raketa, duke na lënë përjetësisht të pikëlluar, por krenar. Zemra e tij pushoft e qetë dhe pranë më të dashurve të tij. Në këto momente vetëm krenaria për të është më e madhe se dhimbja”, kanë shkruar familjarët.

Ndryshe Xhavit Ferizi kishte qenë pjesëtar i Ushtrisë Çlirimtare të Kosovës (UÇK), si dhe për vite të tëra kishte qenë pjesëtar i sigurimit të afërt të ish-presidentit e ish-kryeministrit të Kosovës, Hashim Thaçi./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm