Nottingham Forest ka pësuar një goditje të madhe në përpjekjen e tyre për mbijetesë në Premier League pasi i janë hequr katër pikë për shkelje të rregullave financiare të ligës. Sipas një raporti të fundit nga gazeta “The Guardian”, klubi është penalizuar pas një hetimi të detajuar mbi financat e tyre.

Nottingham Forest have been given a four-point deduction for breaching Premier League financial rules, per multiple reports pic.twitter.com/OcgiOKMNy6

— B/R Football (@brfootball) March 18, 2024

Pas kësaj ndëshkimi, Nottingham Forest tani gjendet në një situatë delikate në tabelën e klasifikimit, teksa janë zbritur në zonën e rënies nga kategoria, ku lufta për qëndrimin në elitën e futbollit anglez bëhet edhe më e ashpër. Rënia e tyre nën Lutonin dhe pozicionimi në treshen e fundit me vetëm 21 pikë ka ndezur sinjale alarmi për klubin dhe tifozët e tyre.

Në ditët në vijim, pritet njoftimi zyrtar nga Premier League rreth kësaj çështje, i cili është i planifikuar të bëhet të hënën. Ky njoftim do të konfirmojë vendimin dhe detajet që kanë çuar në heqjen e pikëve.

Nottingham Forest ka të ngjarë të apelojë vendimin e Premier League, duke u përpjekur të përmbysë penalizimin që mund të ketë pasoja serioze për fatet e tyre në këtë sezon. Apelimi do të jetë një proces i rëndësishëm që mund të përcaktojë drejtimin e klubit në javët dhe muajt e ardhshëm.

Club statement.

— Nottingham Forest (@NFFC) March 18, 2024

Prej kohësh rregullat financiare të Premier League kanë qenë një temë diskutimi, me klubet që duhet të manovrojnë me kujdes për të qëndruar brenda kufijve të lejueshëm. Rasti i Nottingham Forest shërben si një rikujtesë për të gjitha klubet e tjera se ligji financiar në futbollin anglez zbatohet me rreptësi.