Në fundjavë janë zhvilluar pesë ndeshjet e javës së 26-të, ku kandidatët për titull nuk kanë arrirur të fitojnë dhe për këtë renditja nuk ka ndryshuar.

Derbi mes Ballkanit dhe Llapit është mbyllur pa gola, në një ndeshje që munguan rastet e mira.

Malisheva ka arritur të marr një fitore shumë të rëndësishme ndaj Lirisë si mysafir me rezultat 3-0.

Sot Drita kishte mundësinë që të merrte pozitën e parë në renditje, por u ndal në derbin lokal nga Gjilanin në barazim (2-2).

As Prishtina nuk ka arritur të marr tri pikët, duke barazuar ndaj Fushë Kosovës me rezultat 0-0.

Në anën tjetër Dukagjini është kthyer te fitoret, duke mposhtur në shtëpi Feronikeli 74 me rezultat 1-0.

Ballkani mbetet lider me  52 pikë, kur kanë mbetur edhe dhjetë ndeshje deri në fund. Llapi mbetet i dyti me 51 pikë, ndërsa Drita është e treta me 50 pikë.

Malisheva tani ka 47 pikë dhe është afruar dukshëm me kreun me vetëm pesë pikë.

Prishtina mbetet në vendin e pestë me 38 pikë, ndërsa Dukagjini ka 34 pikë dhe është në vendin e gjashtë.

Gjilani largohet nga zona e barazhit, pasi tani është i shtati me 26 pikë, aq sa ka edhe Feronikeli 74, por që ka goldallim më të dobët. Fushë Kosova ka 20 pikë dhe mban vendin e nëntë, ndërsa Liria ka 10 pikë e fundit.

Në javën e ardhme, atë të 27-të luajnë: Prishtina – Ballkani, Llapi – Liria, Malisheva – Drita, Gjilani – Dukagjini, Feronikeli – Fushë Kosova.  /Telegrafi/