Kryetari i Këshillit për Punë të Jashtme të Bundestagut gjerman, Michael Roth ka reaguar ndaj deklaratës së emisarit amerikan, Gabriel Escobar, i cili tha se Kosova ka ende kushte për anëtarësim në Këshill të Evropës (KiE).

Me anë të një postimi në platformën “X”, Roth e ka cilësuar si të “pakuptimtë” që ShBA-ja të flasë për këtë gjë teksa ka thënë se qasja e pabalancuar ndaj Kosovës duhet të marrë fund.

Roth tutje ka thënë se Këshilli i Evropës vendos për anëtarësimin e Kosovës në KiE e jo ShBA-ja.

“Është krejtësisht e pakuptimtë që ShBA-ja vë kushte shtesë për anëtarësimin e Kosovës në Këshillin e Evropës. Kjo qasje e pabalancuar e ShBA-së ndaj Kosovës duhet të ndalet përfundimisht. Është e padrejtë. Këshilli i Evropës dhe shtetet e saj anëtare janë në ulësen e shoferit – jo ShBA-ja”, ka shkruar Roth./Arbresh.info

It’s completely incomprehensible that the 🇺🇸 sets extra conditions for Kosovo’s membership in the Council of Europe. This unbalanced approach by the US towards Kosovo must finally stop. It’s unfair and unjust. The @coe and its member states sit in the driver’s seat – not 🇺🇸! https://t.co/mi89SJ5AOx

— Michael Roth – official 🇪🇺🇺🇦🇮🇱 (@MiRo_SPD) March 16, 2024