Vendosja e tabelave shqip-serbisht në veri, Aliu: Do të vazhdojmë deri në zëvendësimin e të gjitha shenjave

17:53 | 14 Mars 2024
E.G

Tabelat e komunikacionit që tregojnë vendbanimet të shkruara në cirilik në në veri të Kosovës sot janë zëvendësuar me tabela dygjuhëshe, në gjuhën shqipe dhe atë serbe, por me alfabet latin.

Ministri i Infrastrukturës, Liburn Aliu ka njoftuar se do të vazhdojnë edhe ditëve në vijim deri në zëvendësimin e të gjitha shenjave, shkruan Arbresh.info.

“Si MMPHI kemi marrë përsipër që në veri dhe në tërë territorin e Kosovës, të largojmë të gjitha shenjat serbe të komunikacionit që janë në qirilicë, duke zëvendësuar me shenjat zyrtare të vendbanimeve konform ligjeve të Kosovës. Do të vazhdojmë edhe ditëve në vijim deri në zëvendësimin e të gjitha shenjave.”, ka shkruar ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm